Nolosha Cusub
Skip Navigation LinksHoyga > Maqal/Muuqaal > Qasiidooyin > Codadka Iftiinka - 1 Qof kale u dir Boggan iimayl ugu dir saaxiib  

Codadka Iftiinka - 1
Waa 15 qasiido oo xul ah oo la duubay Itoobiya sannadkii 2001kii.  Habka waa mid casri ah, biyaano, cuud, kaban  [kulligood isku dubbarriday kombiyuterka] iyo codad farabadan.


1 Haye aan ammanno


  
Haye aan ammaanno!
Haye aan ammaanno!
Ilaahii na uuntay .
Haye aan ammaanno!

1.  Wuu na eegayaayoo
na ilaaliyaayee .
IIlaahii na uuntay.
Haye aan ammaanno!

2.  Indhihiiyo  dhegaha 
iyo afarta addin 
Isagaa na siiyee.
Haye aan ammaanno!

3.  Waa ayaan  wanaagasane.
 Alla noo inshaaree .
Haye aan ammaanno!

4. ‘Alxamdulilaahi!’
 Inta aan niraahno!
 Ilaaheenna fiican.
 Haye aan ammaanno!

5. Intii Eraygiisa
addeecdoo rumaysa
wuu u abaal gudaaye .
Haye aan ammaanno!

6. Intii aammintoo  dhan
inamuu ka yeelee.
Haye aan ammaanno!

7.  Waa wankii  Ilaahoo;
Iinna  aan lahayne.
Haye aan ammaanno!

8.  Allabbarigeenna
inuu noo ahaado,
Inan  buu na siiyee.
Haye aan ammaanno!

 9.  Ibliiskiyo  jinniga 
Isagaa ka adagee.
Haye aan ammaanno!




2 Duceeya


  
Duceeya, duceeya;
Dadkiiyow duceeya!
Duceeya, duceeya;
Dadkiiyow, duceeya!

1.  Deeqlaha  ina uumay,
inuu dembigeenna
innaga wada daayo.
Dadkiiyow duceeya!

2.  Masiixa la doortay
daruurta  sideeda
u soo degi doonaa.
Digriga  ugu heesaa!

3.  Masiixa darteenna
dhammaan dembigeenna
dushiisa ku qaatay. 
Damiirka  u sheega!

4.  Markay deldeleenna
dhiiggiisii u daatay
dadkiisa jacaylka.
Cadaab  ka difaacay.

5.  Midkii dunida oo dhan
iftiinka ku daaray
dabbaaldeg  u muujiya !
Ammaan ugu deeqa!

Duceeya, duceeya!…

6.  La doona! La doona!
Dadkeenna la doona!
La doona! La doona!
Dadkeenna la doona!

7. Kitaabka la doona!
Injiilka la doona!
Wanaagga la doona!
Iftiinka la doona!

Duceeya, duceeya!
Dadkiiyow duceeya!
Duceeya, duceeya!
Dadkiiyow, duceeya! (3x)




3 Ciise wuu imanayaa


  
1.  Ciise wuu imanayaa.
Ciise wuu imanayaa.
Ilaahay baa sheegayoo
Ereygu been ma aha oo
Inanka kii diidayow
ayaantii  way dhowdahoo
Ciise wuu imanayaa.
Ciise wuu imanayaa.

2.  Eebbe wuxuu diiday buu …
Eebbe wuxuu diiday buu …
…uunka yidhi daaya oo
Eebbe wuu nici  jiroo.
Waa ammaan inaan xusnoo
Ayaantii way dhowdahoo
Ciise wuu imanayaa.
Ciise wuu imanayaa.

3.  Ummadda  wuu doonayoo.
Ummadda wuu doonayoo.
Wuu asxaan  fali jiroo.
Addimo  kaan haysan buu
Orod yidhoo socon jiroo.
Ayaantii way dhowdahoo
Ciise wuu imanayaa.
Ciise wuu imanayaa.

4.  Kii indhaha waayey buu…
Kii indhaha waayey buu…
…aragtidiisa u furoo.
Waa Amiirka runta oo
Aayado  muujiyoo
Ayaantii way dhowdahoo
Ciise wuu imanayaa.
Ciise wuu imanayaa.

5.  Waa albaabkii jannada…
Waa albaabkii jannada…
…kii muftaaxa  u ahoo.
Kii inkiray baa lumoo…
Naarta ku asqoobayoo.
Ayaantii way dhowdahoo
Ciise wuu imanayaa.
Ciise wuu imanayaa.



4 Ilaah aan baahane


  
Ilaah aan baahane loo baahan yahayow!
Ilaah aan baahane loo baahan yahayow!
Adaan ku baahannahaye. Noo bishaaree!

1.  Ilaah aan baahane loo baahan yahayow!
 Ba’a  lagu sheegay aakhiro ! Naga badbaadi!

2.  Ilaah aan baahane loo baahan yahayow!
Qiyaamaha  baaska yaallaa! Naga badbaadi!

3.  Ilaah aan baahane loo baahan yahayow!
Xisaab  ba’an  baa la sheegee. Naga badbaadi!

4.  Ilaah aan baahane loo baahan yahayow!
Adaan boqorow ku barinee ! Naga badbaadi!

5.  Ilaah aan baahane loo baahan yahayow!
Belaayada  taal aduunyada; Naga badbaadi!

6.  Ilaah aan baahane loo baahan yahayow!
Inaan baadiyowno  Eebbow; Naga badbaadi!

7.  Ilaah aan baahane  loo baahan yahayow!
Naan bidciyowno Eebbow; Naga badbaadi!

8.  Ilaah aan baahane loo baahan yahayow!
Masiix inaan ka baydhnaa; Naga badbaadi!

9.  Ilaah aan baahane loo baahan yahayow!
Bakhti  iyo booli  iyo been! Naga badbaadi!

10.  Ilaah aan baahane loo baahan yahayow!
Bushi  iyo baahi iyo ceeb! Naga badbaadi!

11. Ilaah aan baahane loo baahan yahayow!
Baybalkoo aan ka boodnaa; Naga badbaadi!




5 Ilaahay waa raxiim


  
1. Raxmaankeygaan jecelahay.
Riyaan ku arkay isaga.
Rubadku  wuu ii farxaa.
Malaa’igo ruxubo ah baa
raabraabo u soo degoo;
Runtii bay ku heesayaan.
Ilaahay waa Raaxim (2x)

2. Rajaan la farxaa anigu.
Risiq  Eebbaan cunaa;
Rafaad  weligay ma galo oo
Jannada Rooxada ku taal;
Ayaan ku riyaaq ayoo
Raxmad Eebbaan fishaa .
Ilaahay waa Raaxim. (2x)

3. Ruuxaan ka samaysan ahay
Rabbuuna xaggii ka yimid.
Ramaadkiyo doogga baxa
Caanaha ramadka ee la dhamo
Raaxada hurdada ee la tago
Casiiskaa inoo rakibay.
Ilaahay waa Raxiim. (2x)




6 Kaalaya aan ammaannee


  
1. Rabbi baa awood  leh,
 aayo  iyo khayr  badan;
 Ilwaad  iyo sharaf  leh.
 Kaalaya aan ammaannee!

2. Rabbi baa adkaan  leh,
 caqli aan go’ayn  iyo
 ilays  aan damayn  leh.
 Kaalaya aan ammaannee!

3. Adduunkuu  badbaadshoo ;
 Dembigeennii aawgii
 Isagaa u iishee .
 Kaalaya aan ammaannee!

4. Ibliiskiyo  jinniga ,
 aadanaha  lumiyaa ,
 Isagaa ka adagee.
 Kaalaya aan ammaannee!

5.  Ninkii Ruuxa aammina ,
 Rabbigiisa addeecaa ,
 axdi baa u yaallee.
 Kaalaya aan ammmaannee!

6. Kii amarka  raacee,
 Ilaahii rumeeyaa ,
 axdi  baa u yaallee.
 Kaalaya aan ammaannee!

7.  Arxankeennii  weeyaan,
ayaan  Eebbe  weeyaan
aakhiro  iyo adduunkee.
Kaalaya aan  ammaannee!




7 Baaqiga Eebbow


  
Baaqiga Eebbow dunida beeray;
Ballan kuu sheegay,
ka baaqan  maayo.

1.  Buuraha  korkooda haddaan bil joogo,
barafku  i garaacana ,
beenbeenin  maayo
Badbaadshahayga .

2.  Boqol sano haddaan ban  joogo,
beer  iyo xooliyo 
bilcaanba  waayana ,
beenbeenin maayo
Badbaadshahayga.

3.  Haddii lay bireeyo ,
bad laygu tuuro,
bur  layla dhacana ,
beenbeenin maayo
Badbaadshahayga!

4.  Haddii aan baahdo,
beesa  aan waayo,
beenbeenin maayo 
Badbaashahayga!

5.  Bugtaa  i haysay,
beerkay i xanuunjin,
Isagaa i baanto ,
iga bogsiiya,
beenbeenin maayo
Badbaashahayga.

6. Baaqiga Eebbow dunida beeray;
Ballan kuu sheegay
ka baaqan maayo.



8 Qoraalku sidii uu yidhi


  
1. Qoraalku sidii uu yidhi.
Qoraalku sidii uu yidhi.
Qiyaas Rabbi baa u dhigan
Intaan ifku  qaybsamin .
Qudhiinuna taagan  tahay
Qayaamuhu aanu dhicin.

Ilaahay maad qirtaan
Qawlkiisa  rumaysataan?
Ilaahay maad qirtaan
Qawlkiisa rumaysataan?

2. Quruumaha  dunida jira …
Quruumaha dunida jira …
inkastoo quwodo  is bidaan
mar baa laga qaban naftoo
dhammaan laga qaadayaayee.
Intaydaan wada qallalin

Ilaahay maad qirtaan? Ilaahay maad qirtaan
Qawlkiisa rumaysataan?
Ilaahay maad qirtaan
Qawlkiisa rumaysataan?

3. Qaynuunku  sidii uu yidhi, …
Qaynuunku sidii uu yidhi, …
Ducada kii aan qadderin
salaaddana  qiimo  siin
Qaadirka  um tegi karo,
Kii oon Sayidka u qasdiyin .

Ilaahay maad qirtaan
Qawlkiisa rumaysataan?
Ilaahay maad qirtaan
Qawlkiisa rumaysataan?




9 Gacmahaaga noo fidi


  
1. Dembigaan galeyniyo
waxaan geysannoo idil ;
Giddi  waan ka beyrnoo
xaqii  baanu garannaye. (2x)
 
Guullow Allahayow!
Goor iyo ayaanba
Gacmahaaga noo fidi (2x)

2. Golihii Iblayskiyo
gudcurkii inaanan
ugu noqon gadaalbuu.
Naga yahay go’aankee . (2x)

3. Nimcadaada guud iyo
kuwaan garan Injiilka
inuu Erayga gaaraan
u gallaa socdaalkee . (2x)
 
4. Gabbalkii dhacay iyo
waagi soo guduutaba
noogu deeq gargaarkiyo
raxmaddaada gaarka ah.




10 Waxaan ahay dembiile


  
1.  Waxaan ahay - dembiile,
waxaan ahay - dembiile.
Dunuubtii  aan falay  baa …
dunuubtii aan falay baa …
… daraaddeed, laguugu qodbay iskutallaabtee.
… daraaddeed, laguugu qodbay iskutallaabtee.

2. Waxaan ahay – dembiile
Waxaan ahay - dembiile.
Dulmigaan  samey  baa…
Dulmigaan samey baa …
… daraaddiis laguugu qodbay iskutallaabtee.
… daraaddiis laguugu qodbay iskutallaabtee.

3. Waxaan helay - dembidhaafka,
waxaan helay - dembidhaafka.
Nolol daa'ima inaan helo …
nolol daa'ima inaan helo …
… daraaddeed laguugu qodbay iskutallaabtee.
… daraaddeed laguugu qodbay iskutallaabtee.
 
4. Waxaan ahay - adeegahaaga.
Waxaan ahay - adeegahaaga.
Dembidhaafka inaad i siisaa …
Dembidhaafka inaad i siisaa …
… daraaddeed  laguugu qodbay iskutallaabtee.
… daraaddeed  laguugu qodbay iskutallaabtee.



11 Toobadda Rabbi


  
1. Haddii dadku ila tashado ee
kuwii oon iga tegin,
tilmaan  baan siin lahaayoo
tibaax  baan u jeedin lahaayoo
xaqaana tis qaaddi lahaa. (2x)

2. Talada  aan odhan lahaa
wax weyn bay tari lahayd, …
… hadday Sayidka u tagaanoo
toobadda Rabbi raacayaan.
… hadday Sayidka u tagaanoo
toobadda Rabbi raacayaan. (2x)

3. Haddii dadku uu wax tebo  oo
ku taamaan inay helaan,
tayey ka rajaynayaan oo
inay tiiraanyadiyo
xanuunkuba kag tagaan. (2x)

4. Inay tubta  roon maraan
Wax weyn bay tari lahayd.
Hadday Sayidka u tagaanoo
Toobadda Rabbi raacayaan.
Hadday Sayidka u tagaanoo
Toobadda Rabbi raacayaan (2x)




12 Guullow Ilaahow


  
Guulow Ilaahow,
Adigaa noo gargaaray .
Guulow Ilaahow,
Adigaa noo gargaaray.

1. Galab iyo subaxba,
Adaa noo garaagay. 
Gelin horiyo  gelin dambeba ,
Adaa noo gargaaray.

2. Cagta  waaberigaan
gurigaaga galnaa.
Gacantoo fidsan  baan
ku soo hoos goglaynaa .

3. Gabbalkoo  dhacay baan
ku garwaaqsanaynaa .
Girgir  foox  ka buuxaan 
kuula soo gelaynaa.




13 Xalay baan Masiixii arkoo


  
Xalay baan Masiixii arkoo.
Xamdi  baygu  waajibayee.

1.  Xumaantaydii  buu u dhintoo;
Xamdi baygu waajibayee.

2. Xinjirtiisii  buu igu dhaqoo;
Xamdi baygu waajibayee.

3. Dembigaygii buu xalayoo; 
 Xamdi baygu waajibayee.

4.  Geeriduu  ka xoog badiyoo;
 Xamdi baygu waajibayee.

5.  Xabaashuu  ka soo baxayoo;
 Xamdi baygu waajibayee.

6.  Xertiisii  ayaa aragtoo;
 Xamdi baygu waajibayee.

7.  Xaqiiq  ayaan helayoo;
Xamdi baygu waajibayee.

8.  Ibliiskii ayuu xabbisoo;
 Xamdi baygu waajibayee.

9.  Cadaabtii  xor  baan ka ahoo;
 Xamdi baygu waajibayee.

10.  Iimaankaygii  baa xasiloo;
Xamdi baygu waajibayee.

11.  Xumaantoo dhan buu iga tiroo;
Xamdi baygu waajibayee.

12.  Kitaabkiisii baan xafidoo; 
Xamdi baygu waajibayee.

13.  Xalaal  quudataan  ahayoo; 
Xamdi baygu waajibayee.
 
14.  Xargii  ibliiska jaroo; 
Xamdi baygu waajibayee.

15.  Xabiibkii  Allaan noqdayoo;
Xamdi baygu waajibayee.

16. Quduuskay  xiriiriyeyoo; 
Xamdi baygu waajibayee.

17.  Xaakinkaan  xusuusanahoo;
Xamdi baygu waajibayee.

18.  Jannadaan  la soo xarmadoo;
Xamdi baygu waajibayee.

19.  Lay xisaabin  maayo berroo;
Xamdi baygu waajibayee.




14 Ciise waa Masiix


  
Ciise waa Masiix, waa markhaati run ah.
Maalintuu yimaado ninka moog  ayaa
murugo iyo dhiib qaba.

1. Magaciisa baa dembi maydhiyoo.
Maamuus  runtuu ku mutaystay  sharaf.
Waana muran  la’aan.

2. Dhakhtar maadiyo Midhka uu yidhaa
Loo mabsuudayoo.
Ifka oo mugdi ah Maalin buu ka dhigay.




15 Nuurkii Adduunka


  
1. Nabar  aan dawo  lahayn
oo lala nusqaamiyo , 
naf go’day oo xabaalani 
nooleeyahiiyow .
Nuurkii adduunkow,
Naruuradaada  qaaliga,
Nimcadaada  wax naga sii;
Nimcadaada wax naga sii!

2. Markii aan nuglaannee 
niyadda  naga xumaatee ,
qalbigu naafo  gaaro ,
Naxariistahiiyow!
Ciise nuurkii dunidow,
Naruuradaada qaaliga ah,
Nimcadaada wax naga sii;
Nimcadaada wax naga sii!

3. Adaa nacabka  Shayddaan ee
qalbiga nagida  ku ahaa.
Niyadda iiga saaroo
naarta iga xoreeyee .
Kuwa naca  xanbaarsanee
aan garan nasteexada ,
Nimcadaada gaarsii ;
Nimcadaada gaarsii!





Si aad u soo dejisato faylka, dhanka midig ka riix falaar-wadaha ( mawska kombiyuutarkaaga), dabadeednna guji 'Save Target' si ay kuugu furanto meel aad kombiyuutarkaaga dhexdiisa ugu soo dejin karto ood ugu kaydsato faylka.



 “17 Laakiinse Rabbigu wuxuu u naxariistaa kuwa isaga ka cabsada weligiis iyo weligiisba,  
Oo xaqnimadiisuna waxay la jirtaa carruurta carruurteeda,
18 Kuwaas oo ah kuwa axdigiisa xajiya
 Iyo kuwa amarradiisa xusuusta oo wada yeela.”
Sabuurka 103:17-18